Foto: Radio Azattık

Nwrswltan Nazarbaev bilikten ketuge «üş jıl dayındalğanın» ayttı.

Bügin elordada ötken «Nwr Otan» partiyasınıñ qwrıltayında Nwrswltan Nazarbaev öziniñ ökilettigin toqtatu turalı şeşimdi qalay qabıldağanın ayttı.

«Men sanalı şeşim qabıldadım. Bwnday şeşimder bir künde nemese bir ayda qabıldanbaydı. Qwpiyasın aşsam, üş jıldan asa uaqıt dayındaldım. Barlığın jan-jaqtı saraladım. Bolaşaqtı bağamdap, ötkendi saraladım. Osı uaqıtqa deyin barlığın tärbielep, ärqayssına senim arttım. Söytip osınday tañdau jasadım jäne ol tañdauım dwrıs» - dep mälimdedi Nazarbaev.

Nazarbaev partiya s'ezdinde «Nwr Otannıñ» atınan 9-şı mausımda ötetin kezekten tıs prezident saylauına Qasım-Jomart Toqaevtıñ kandidaturasın wsındı. Onıñ bwl wsınısın partiya müşeleri bir auızdan maqwldadı.

Qazaqstandı 30 jıl basqarğan Nwrswltan Nazarbaev öziniñ prezidenttik ökilettigin toqtatatını jöninde naurız ayınıñ 19-ı küni mälimdegen. Ol zañ boyınşa saylau ötkenge deyin prezident mindetin Qasım-Jomart Toqaev atqaratındığın aytqan. Toqaev 20 naurız küni ant qabıldap, memleket basşısı qızmetine kiristi.

"The Qazaq Times"