فوتو: راديو ازاتتىك

نۇرسۇلتان نازارباەۆ بيلىكتەن كەتۋگە «ءۇش جىل دايىندالعانىن» ايتتى.

بۇگىن ەلوردادا وتكەن «نۇر وتان» پارتياسىنىڭ قۇرىلتايىندا نۇرسۇلتان نازارباەۆ ءوزىنىڭ وكىلەتتىگىن توقتاتۋ تۋرالى شەشىمدى قالاي قابىلداعانىن ايتتى.

«مەن سانالى شەشىم قابىلدادىم. بۇنداي شەشىمدەر ءبىر كۇندە نەمەسە ءبىر ايدا قابىلدانبايدى. قۇپياسىن اشسام، ءۇش جىلدان اسا ۋاقىت دايىندالدىم. بارلىعىن جان-جاقتى سارالادىم. بولاشاقتى باعامداپ، وتكەندى سارالادىم. وسى ۋاقىتقا دەيىن بارلىعىن تاربيەلەپ، ارقايسسىنا سەنىم ارتتىم. ءسويتىپ وسىنداي تاڭداۋ جاسادىم جانە ول تاڭداۋىم دۇرىس» - دەپ مالىمدەدى نازارباەۆ.

نازارباەۆ پارتيا سەزدىندە «نۇر وتاننىڭ» اتىنان 9-شى ماۋسىمدا وتەتىن كەزەكتەن تىس پرەزيدەنت سايلاۋىنا قاسىم-جومارت توقاەۆتىڭ كانديداتۋراسىن ۇسىندى. ونىڭ بۇل ۇسىنىسىن پارتيا مۇشەلەرى ءبىر اۋىزدان ماقۇلدادى.

قازاقستاندى 30 جىل باسقارعان نۇرسۇلتان نازارباەۆ ءوزىنىڭ پرەزيدەنتتىك وكىلەتتىگىن توقتاتاتىنى جونىندە ناۋرىز ايىنىڭ 19-ى كۇنى مالىمدەگەن. ول زاڭ بويىنشا سايلاۋ وتكەنگە دەيىن پرەزيدەنت مىندەتىن قاسىم-جومارت توقاەۆ اتقاراتىندىعىن ايتقان. توقاەۆ 20 ناۋرىز كۇنى انت قابىلداپ، مەملەكەت باسشىسى قىزمەتىنە كىرىستى.

"The Qazaq Times"