Köpbalalı analar şağımın ayttı. Foto: Azattıq Radiosı.

Qazaqstan demografiyada cifrğa ğana jüginse, Vengriya bwl mäselede ärqaşan sergek oylaydı. Oğan Vengriya prem'er-ministri Viktor Orban eldegi tuu körsetkişin köteru ayasında köpbalalı otbasılarğa salıqtar men qarız jeñildikterin jariya etu sätindegi mına bir sözi dälel bolsa kerek.

Äueli Europanıñ tuu körsetkişiniñ qwldırau mäselesin şeşude köşi-qonğa köp jüginetin atap ötken  Viktor Orban: «Al vengrler basqaşa oylaydı. Bizge cifrdiñ qajeti joq. Bizge vengr balalar qajet», – dep mälimdedi.

Osılayşa, Vengriya tuu turalı körsetkişin köteru maqsatında eki baladan köp otbasılarğa keñeytilgen kredit bağdarlamaların wsınudı josparlağan. Dälirek aytsaq, bwl kreditke janwyalar baspana ala aladı, sonmen birge, olarğa avtokölik satıp aluğa subsidiya da beriletini de mälim.

Ol – ol ma, wlttıq negizde damudı maqsat twtqan bwl elde keminde tört bala asırap otırğan äyelderdi tabıs salığınan bosatu josparlanuda.

Qazaqstandıq Analar üşin Vengriya prem'eri aytqan kelesi pikir tipti süykimdi estilmese, qaneki:

40-qa deyingi äyelder birinşi ret twrmısqa şığıp jatsa 36 mıñ dollar köleminde subsidiyalanğan kredit beriledi. Al sol äyel ekinşi bala bosansa, onıñ üşten biri, yağni 12 mıñ dolları keşiriledi eken. Al üşinşi bala bosana salısımen kredit tolığımen jabıladı.

Qısqası, el ükimeti 2019 jıl byudjetiniñ jalpı rezervterinen nemese qosımşa tabıstarınan jaña äleumettik bağdarlamağa qarajat böludi josparlap otır.

Endi Qazaqstandağı jağdaydı oylap köriñiz. Aydıñ-künniñ amanında äleumettik jağdaydıñ auırtpaşılığı – tört kredit bes balanıñ tağdırın otqa oradı emes pe? Osınday qayğılı oqiğadan soñ da köp balalı ana taqırıbın qaqpaqılğa salıp, jeñildik berudiñ ädis-täsilin äli şeşip jetpegen ükimetke ne aytuğa boladı? Mümkin, bizdiñ bilik te tübi türki topırağınan barğan tegi tindes vengrlerden ülgi aluı kerek pe edi, kim bilipti?!

"The Qazaq Times"