Moñğoliya deputattarı parlament spikerin qızmetinen alıp tastadı.

Montsame aqparat agenttiginiñ mälimetinşe, qañtar ayınıñ 29-ı küni ötken qwpiya dauıs beru barısında Moñğoliya deputattarı parlament spikeri Miegombın Enhboldanı qızmetinen alıp tastağan. Dauıs beruge qatısqan 65 deputattıñ 43-i Enhboldanı merziminen bwrın qızmetinen alıp tastaudı qoldağan.

2018 jıldıñ jeltoqsan ayında 39 deputat Enhboldanıñ ornınan ketuin talap etip, aşıq hat joldağan. Biraq ol kezde parlament spikeri deputattardıñ bwl talabın orındaudan bas tartqan.

Qañtar ayınıñ 10-ı küni el astanası Wlan-Batırda Miegombın Enhbolda men onıñ jaqtastarı Moñğol halıqtıq partiyası jäne Demokratiyalıq partiya ökilderine qarsı miting ötken. Bwğan deyin prem'er-ministr Uhnaaginy Hurelsuh: «Miegombın Enhbolda bastağan top özderine kedergi jasağanı üşin el ükimetin qwlatpaq» - dep mälimdegen.

Miegombın Enhbolda 2018 jıldıñ 20 jeltoqsan küni «60 milliard tögirik» isinde atı ataldğan üşin etikalıq jauapkerşilikke tartılğan. Onıñ aldında BAQ betterinde Moñğoliya halıqtıq partiyası ökilderiniñ memlekettik qızmetterdi satu arqılı 60 milliard tögirik qarjı tabuğa bolatındığı jöninde talqılağan audiojazba jariyalanğan.

"The Qazaq Times"