foto: istockphoto.com

Auğanstanda 20 şilde küni ötetin prezidenttik saylauğa kandidattar tirkeu merzimi ayaqtaldı. 20-şı qañtar küni atalğan lauazımğa eñ mañızdı ümitkerler Aşraf Ğani men bilik ökili Abdulla Abdulla öziniñ qatısatındığın mälimdep tizimge tirkeldi. Bwl turalı tolonews habarlap otır.

Negizinen kandidattardı tirkeu nauqanı 3 qañtar küni bastaldı. Sonday-aq atalğan şeşim şıqpay twrıp, Auğanstannıñ täuelsiz saylau komissiyası prezidenttik saylau künin 20-şı säuirden, 20-şı şildege auıstırğandığın mälimdegen bolatın. Halıqaralıq sarapşılardıñ sözinşe, auğan biliginiñ mwnday qadamğa baruına AQŞ tarapınan jasalıp otqan qısım äser etken. Sebebi, amerikalıqtar saylauğa deyin Taliban qozğalısımen beybit kelisimge keludi oylastırıp otırğan körinedi. Bwğan deyingi saylaularda da däl osı joldı wstanıp, eşqanday qayğılı jağday men büliktiñ bolmauı üşin äreket edi.

Eki aptadan astam uaqıt jürgizilgen tirkeu kezinde 15 azamat öziniñ kandidaturasın wsınğan. Şet eldik sarapşılar onıñ işindegi eñ mañızdı äri üzdikteri Ğani men Abdulla ekendigin jarısa jazuda. Sebebi, Auğansatannıñ qazirgi prezidentin qoldaytındar köp. Sonday-aq, Abdulla da 2009 jäne 2014 jıldarı prezidenttik saylauğa tüsken boladı. Qazirgi tañda twrğındar arasında bedeli qalıptasqan basşı auğan eliniñ kelesi prezidenti boluı mümkin degen qauesetter de bar.

"The Qazaq Times"