اۋعانستاندا پرەزيدەنت سايلاۋىنا كانديداتتاردى تىركەۋ ۋاقىتى اياقتالدى

اۋعانستاندا 20 شىلدە كۇنى وتەتىن پرەزيدەنتتىك سايلاۋعا كانديداتتار تىركەۋ مەرزىمى اياقتالدى. 20-شى قاڭتار كۇنى اتالعان لاۋازىمعا ەڭ ماڭىزدى ۇمىتكەرلەر اشراف عاني مەن بيلىك وكىلى ابدۋللا ابدۋللا ءوزىنىڭ قاتىساتىندىعىن مالىمدەپ تىزىمگە تىركەلدى. بۇل تۋرالى tolonews حابارلاپ وتىر.

نەگىزىنەن كانديداتتاردى تىركەۋ ناۋقانى 3 قاڭتار كۇنى باستالدى. سونداي-اق اتالعان شەشىم شىقپاي تۇرىپ، اۋعانستاننىڭ تاۋەلسىز سايلاۋ كوميسسياسى پرەزيدەنتتىك سايلاۋ كۇنىن 20-شى ساۋىردەن، 20-شى شىلدەگە اۋىستىرعاندىعىن مالىمدەگەن بولاتىن. حالىقارالىق ساراپشىلاردىڭ سوزىنشە، اۋعان بيلىگىنىڭ مۇنداي قادامعا بارۋىنا اقش تاراپىنان جاسالىپ وتقان قىسىم اسەر ەتكەن. سەبەبى، امەريكالىقتار سايلاۋعا دەيىن تاليبان قوزعالىسىمەن بەيبىت كەلىسىمگە كەلۋدى ويلاستىرىپ وتىرعان كورىنەدى. بۇعان دەيىنگى سايلاۋلاردا دا ءدال وسى جولدى ۇستانىپ، ەشقانداي قايعىلى جاعداي مەن بۇلىكتىڭ بولماۋى ءۇشىن ارەكەت ەدى.

ەكى اپتادان استام ۋاقىت جۇرگىزىلگەن تىركەۋ كەزىندە 15 ازامات ءوزىنىڭ كانديداتۋراسىن ۇسىنعان. شەت ەلدىك ساراپشىلار ونىڭ ىشىندەگى ەڭ ماڭىزدى ءارى ۇزدىكتەرى عاني مەن ابدۋللا ەكەندىگىن جارىسا جازۋدا. سەبەبى، اۋعانساتاننىڭ قازىرگى پرەزيدەنتىن قولدايتىندار كوپ. سونداي-اق، ابدۋللا دا 2009 جانە 2014 جىلدارى پرەزيدەنتتىك سايلاۋعا تۇسكەن بولادى. قازىرگى تاڭدا تۇرعىندار اراسىندا بەدەلى قالىپتاسقان باسشى اۋعان ەلىنىڭ كەلەسى پرەزيدەنتى بولۋى مۇمكىن دەگەن قاۋەسەتتەر دە بار.

"The Qazaq Times"