Foto: IA «24.kg

Joğarı Keñes deputatı Isa Omurkulov eks-prezident Almazbek Atambaevtıñ tabısı qaydan kelip jatqanın tekseru kerek dep mälimdedi.

«Men Atambaevtıñ qanşa baylığı bar ekenin bilmeymin. Ärbir şeneunik zañğa säykes, deklaraciya toltırıp, barlıq tabısı men mülkin aşıq körsetui kerek. Eger ol adam dwrıs anıqtama bermese, jauapqa tartıluı tiis. Onıñ kimder arqılı qosımşa tabıs tauıp otırğanın da anıqtau qajet. Eger ol käsibinen tabıs tapsa, öniminiñ kölemi, kirisi, şığısı jöninde tolıq mälimet berui tiis. Ärbir adam, onıñ işinde Atambaev ta kirisin aşıq körsetpegeni üşin, jauapkerşilikke tartıluı kerek", - dep esepteydi Omurkulov.

Deputattıñ pikirinşe, äñgime million som emes, milliondağan dollar jayında bolıp twr. "Mwnday aqşanı qısqa merzimde tabuğa bola ma? Kümändi, sol sebepten tekseru kerek", - deydi Omurkulov.

Qırğızstannıñ eks-prezidenti Almazbek Atambaev memleket basşısı bolğanğa deyin jeke käsibinen milliondağan payda tapqanın mälimdep kelgen. "Aprel'" telekanalına bergen swhbatında tabısınıñ közderin de aytqan.

23 qaraşada Bas prokuratura Wlttıq qauipsizdik memlekettik komitetke qoğam qayratkeri Edil Baysalovtı tergegennen keyin, Atambaevtıñ Türkiyadağı biznesin satuınan tüsken tabıstı tekseruge bwyrıq bergen.

"The Qazaq Times"