foto: sputnik.kg

Qırğızstannıñ Joğarğı Keneş otırısında deputat Dastan Bekeşev Japoniya, AQŞ, Wlıbritaniya jäne Euroodaq elderiniñ azamattarına elge vizasız kiru mümkindigin berudi wsındı.

Qazirgi tañda atalğan jüyege säykes 45 eldiñ azamattarı Qırğız eline vizasız kire aladı. Endi onıñ sanın 55-ke jetkizu közdelip otır.

Eldiñ Bas Wlttıq Qauipsizdik Qızmeti men İşki İster Departamenti Qırğızstannıñ işki qauipsizdigin saqtau maqsatında kestedegi uaqıttı 2030-şı jılğa deyin emes, 2025-şi jılğa deyin şekteu kerektigin mälimdedi. Alayda, Bekeşev qauipsizdik qızmetine twrğındardı ürkite berudiñ qajeti joq ekendigin eskertti.

«Qauipsizdik qızmeti ärqaşan osılay aytadı, qanday jağday boluı mümkin? Eşqanday jağday bolmauı da mümkin. Bwdan bwrın eñ alğaş osı zañdı qabıldar kezde de atalğan ökilder bas tartqan bolatın. Alayda, deputattar zañdı qabıldadı jäne eşteñe de bolğan joq. Eger bizge terrorister kirgisi kelse, olardı eşteñe de toqtata almaydı», dep deputat öz pikirin bildirdi.

Alayda, Qırğızdıñ BWQQ aldımen qısqa uaqıtqa qabıldap, keyinnen wzartudı swradı. Sebebi, qauiptiñ aldın alu oñayıraq boladı deydi.

“The Qazaq Times”