فوتو: sputnik.kg

قىرعىزستاننىڭ جوعارعى كەنەش وتىرىسىندا دەپۋتات داستان بەكەشەۆ جاپونيا، اقش، ۇلىبريتانيا جانە ەۋرووداق ەلدەرىنىڭ ازاماتتارىنا ەلگە ۆيزاسىز كىرۋ مۇمكىندىگىن بەرۋدى ۇسىندى.

قازىرگى تاڭدا اتالعان جۇيەگە سايكەس 45 ەلدىڭ ازاماتتارى قىرعىز ەلىنە ۆيزاسىز كىرە الادى. ەندى ونىڭ سانىن 55-كە جەتكىزۋ كوزدەلىپ وتىر.

ەلدىڭ باس ۇلتتىق قاۋىپسىزدىك قىزمەتى مەن ىشكى ىستەر دەپارتامەنتى قىرعىزستاننىڭ ىشكى قاۋىپسىزدىگىن ساقتاۋ ماقساتىندا كەستەدەگى ۋاقىتتى 2030-شى جىلعا دەيىن ەمەس، 2025-ءشى جىلعا دەيىن شەكتەۋ كەرەكتىگىن مالىمدەدى. الايدا، بەكەشەۆ قاۋىپسىزدىك قىزمەتىنە تۇرعىنداردى ۇركىتە بەرۋدىڭ قاجەتى جوق ەكەندىگىن ەسكەرتتى.

«قاۋىپسىزدىك قىزمەتى ارقاشان وسىلاي ايتادى، قانداي جاعداي بولۋى مۇمكىن؟ ەشقانداي جاعداي بولماۋى دا مۇمكىن. بۇدان بۇرىن ەڭ العاش وسى زاڭدى قابىلدار كەزدە دە اتالعان وكىلدەر باس تارتقان بولاتىن. الايدا، دەپۋتاتتار زاڭدى قابىلدادى جانە ەشتەڭە دە بولعان جوق. ەگەر بىزگە تەرروريستەر كىرگىسى كەلسە، ولاردى ەشتەڭە دە توقتاتا المايدى»، دەپ دەپۋتات ءوز پىكىرىن ءبىلدىردى.

الايدا، قىرعىزدىڭ بۇقق الدىمەن قىسقا ۋاقىتقا قابىلداپ، كەيىننەن ۇزارتۋدى سۇرادى. سەبەبى، قاۋىپتىڭ الدىن الۋ وڭايىراق بولادى دەيدى.

“The Qazaq Times”