Şımkent qalasınıñ äkimi Ğabidolla Äbdirahımov. Foto: Delovoy Kazahstan

Şımkent äkimi jaña jıldı qarsı aluğa 70 million teñge jwmsamaq.

Jaqında ğana Qazaqstandağı üşinşi megapolis atanıp, Respublikalıq mañızğa ie qalalardıñ qatarına qosılğan Şımkent qalasınıñ äkimi Ğabidolla Äbdirahımov jaña jıldı qarsı aluğa 70 million teñge qarjı jwmsaytındığın mälimdedi.

«Bwl elder aytıp jürgendey ülken soma dep oylamaymın. Qalamızdıñ ädemi äri tartımdı bolğanın barlığımız qalaymız. Jaqında men Seulda boldım. Sizder tüngi megapolistiñ jarqırap, jaynap twrğanın körseñizder ğoy. Ol jaqta bwğan 70 million teñge emes, 70 million dollar bölgen tärizdi. Äyelder nege ädemi bolıp jüredi? Biz nege merekelik kiimder kiemiz? Sol siyaqtı merekelik qala da jaynap twruı tiis. Adam «vau» dep aytatınday ömir sürui tiis» -dedi Şımkent qalasınıñ äkimi baspasöz brifinginde.

Ayta ketetin bir jayt, bıltır däl osı Ğabidolla Äbdirahımov jaña jıldı qarsı aluğa bölingen qarjını jetim balalarğa sıylıq aluğa jwmsap köpşiliktiñ ıqılasına bölengen. Jalpı, Äbdirahımov halıq arasında öziniñ jañaşıl bastamalarımen tanımal. Osıdan biraz uaqıt bwrın ol qoğamdıq kölikpen jürip eldiñ nazarın özine audartqan. Al odan säl erterekte jwmısqa velosipedpen barıp äleumettik jelilerdiñ «güli» bolğan.

"The Qazaq Times"