Qırğızstan Qazaqstannan importtalatın tauıq etine uaqıtşa şekteu qoydı. Bwl jöninde Qırğızstannıñ veterinarlıq jäne sanitarlıq qauipsizdik jönindegi memlekettik inspekciyası mälimdedi.

Mekemeniñ baspasöz hatşısı Rahat Sadırbekovanıñ aytuınşa, bwğan sebep körşi ölkemen şektesetin aymaqta qws twmauı indetiniñ joğarı boluı sebep bolğan. Osığan oray qazaq tarapına jağdaydı anıqtau üşin, resmi swrau jibergen.

«Jağdaydı tolıq anıqtau üşin, uaqıtşa şekteu qoyıldı. Şeşim qazaq tarabınıñ resmi jauabına baylanıstı bolmaq. Eger körşi eldegi jağday sonşalıqtı qauipti bolmasa, şekteudi alıp tastaymız», - dedi Sadırbekova.

Sonımen birge sanitarlıq inspekciya äleumettik jelide taralğan qws etinen N'yukasl indeti tabıldı degen aqparat şındıqqa säykes kelmeydi deydi.

"The Qazaq Times"