Foto: Oxu.az

Gruziya Reseyden Abhaziya men Oñtüstik Osetiyadan äskerin şığarudı talap etti.

AQŞ-tıñ N'yu-York qalasında ötken Birikken Wlttar Wyımı Bas Assambleyasınıñ 73 otırısında Gruziya prem'er-ministri Reseyge qarata mälimdeme jasadı. Onda ol: «Biz osı uaqıtqa deyin özimizge jüktelgen barlıq halıqaralıq mindetterdi orındap keldik. Al Resey halıqaralıq kelisimderdi orındap otırğan joq. Sol sebepti biz Reseyden Abhaziya men Oñtüstik Osetiyadan okkupaciyalıq küşterin şığarudı talap etemiz» - dep mälimdedi.

Esteriñizge salayıq, Resey äskerin Gruziyanıñ Abhaziya jäne Oñtüstik Osetiya aumağına 2008 jılı kirgizgen. Däl osı jıldıñ 16 tamız küni Gruziya, Resey, Abhaziya jäne Oñtüstik Osetiya basşıları beybit kelisimge kelu turalı qwjatqa qol qoydı. Arada on kün ötken soñ Resey Abhaziya men Oñtüstik Osetiya täuelsizdigin moyındadı. Keyinnen qırküyek ayınıñ 2-i küni Gruziya Reseymen aradağı barlıq diplomatiyalıq qarım-qatınastarın bwzdı.

"The Qazaq Times"