Qalmwhanbet Qasımov: Prezident qalay şeşedi, biz soğan könemiz

İşki ister ministri Qalmwhanbet Qasımov öziniñ otstavkağa ketui, ketpeuine baylanıstı pikir bildirdi.

Bügin Astana qalasında İİM Qalmwhanbet Qasımovtıñ qatısuımen baspasöz mäslihatı ötti. Baspasöz mäslihatında jurnalisterdiñ biri oğan: «Denis Tenniñ qazasınan keyin köptegen belsendiler sizdiñ otstavkağa ketuiñizdi talap etti. Siz otstavkağa ketesiz be, joq pa?» dep swraq qoydı. Öz kezeginde atı şulı ministrliktiñ basşısı: «Otstavka boyınşa, biz äskeri adambız, ükimet pen prezident qalay şeşedi, biz soğan könemiz» - dep jauap berdi.

Esteriñizge salayıq, tamız ayınıñ 19-ı küni Almatı qalasında Olimpiada oyındarınıñ jüldegeri, mänerlep sırğanauşı Denis Tenniñ öliminen keyin İİM ülken dauğa ilikken. Azamattıq belsendiler men jurnalister İşki ister ministri Qalmwhanbet Qasımovtıñ ostavkağa ketuin talap etip, vedomstvanıñ özine tübegeyli reforma qajet degen. Osıdan keyin köp wzamay prezident Nwrswltan Nazarbaev İİM modernizaciyadan ötkizu qajet dep, arnayı qwjatqa qol qoyğan.

"The Qazaq Times"