Qazaqstan men Özbekstan äskerlerin AQŞ-qa oqu-jattığu jwmıstarına jibermek.

AQŞ Ortalıq basqaru komitetinıñ mälimetinşe, Qazaqstan, Özbekstan, Täjikstan, Moñğoliya jäne Auğanstan öz äskerlerin Massaçusets ştatında ötetin «Aymaqtıq birlestik – 2018»  äskeri oqu-jattığu jwmıstarına qatıstırmaq. Oqu-jattığu jwmıstarı qırküyek ayınıñ 21-i küni ötedi jäne oğan är türli memleketterden kelgen 200-den astam sarbaz qatısadı dep kütilude.

Esteriñizge salayıq, 11 qırküyek küni Resey Qiır Şığısta öz tarihındağı eñ auqımdı äskeri oqu-jattığu jwmıstarın bastağan. «Şığıs-2018» oqu-jattığu jwmıstarına 300 mıñ sarbaz, 1000-ğa juıq wşaq, 36 mıñ tank, 80 äskeri keme qatısuda. Bastapqıda Resey Qorğanıs ministrligi «Şığıs-2018» äskeri jattığuların halıqaralıq dep atağan. Biraq oğan Reseyden özge qay memleketterdiñ äskerleri qatısıp jatqandığı äzirge belgisiz.

Ayta ketetin bir jayt, NATO Reseydiñ «Şığıs-2018» äskeri oqu-jattığu jwmıstarına «Mäskeu ülken soğısqa dayındalıp jatır» degen bağa berdi. Däl osınday oqu-jattığu jwmıstarı Keñester odağınıñ twsında 1980 jılı Varşava kelisimi elderiniñ qatısuımen ötken. Ol kezde batıs elderi Kreml'diñ bwl äreketin «öziniñ küş-quatın älemge paş etu jäne iri äskeri operaciyağa dayındıq» dep bağalağan.

"The Qazaq Times"