Qazaqstandıq wstaz Resey gubernatorlarına joğarı oqu orındarında, arnayı mektepter men bala baqşalarda qazaq toptarın aşudı talap etip, hat joldadı.

Astana qalasındağı Säken Seyfullin atındağı qazaq agrotehnikalıq universitetiniñ wstazı, pedagogika ğılımdarınıñ doktorı Erjan Bateşov Reseydiñ Ombı, Astrahan', Samara oblıstarınıñ gubernatorlarına aymaqtardağı joğarı oqu orındarında, arnayı mektepter men bala baqşalarda qazaq toptarın aşudı talap etip, hat joldağan.

Erjan Bateşovtıñ sözinşe, Reseyde twratın etnikalıq qazaqtardıñ öziniñ ana tilinde bilim aluına zañnamalıq aktler negizinde qwqığı bar. Biraq şın mäninde olardıñ qazaq tilinde bilim aluı öte qiın.

2010 jılğı sanaq boyınşa qazirgi tañda Resey Federaciyasında 647 mıñ etnikalıq qazaq twradı. Olar negizinen Astrahan', Orınbor, Saratov jäne Ombı oblıstarında qonıstanğan.

“The Qazaq Times”