Şavkat Mirzieev aymaqtardağı jağdaylardıñ közboyauşılıq ekenin biledi –dedi Özbekstan prezidentiniñ baspasöz hatşısı Kamil Allamjonov.

Ötken aptada Jizaq oblısınıñ Zarbdar audanınıñ atqaminerleri Şavkat Mirzieevtıñ is-saparı barısında jergilikti kolledj studentterin äli aşılmağan tigin kombinatınıñ jwmısşıları etip körsetip, «prezidentke arnalğan şou» ötkizgen. Keyinnen bwl oqiğa qoğamda qızu talqılanıp, «Mirzieev mañayında ne bolıp jatqanın bilmeydi» - degen qañqu söz şıqqan jäne BAQ ökilderi bwl jağdaydı jarısa jazğan.

Osıdan keyin Mirzeevtıñ baspasöz hatşısı Kamil Allamjonov öziniñ Facebook paraqşasına atalmış jağdayğa baylanıstı tüsinikteme bergen. Onda ol: «Biz bwl jayında bildik. Sizder bayqasañızdar bwl ceh 10 aydıñ işinde joq jerden payda boldı. Ol qazir 100 payız jwmıs istep twrğan joq. Käsiporın ieleri üyretu maqsatında jaqın auıldardıñ twrğındarın jwmısqa alğan. Olar aldağı uaqıtta osı käsiporında jwmıs isteytin boladı» - degen.

“The Qazaq Times”