شاۆكات ميرزيەەۆ ايماقتارداعى جاعدايلاردىڭ كوزبوياۋشىلىق ەكەنىن بىلەدى –دەدى وزبەكستان پرەزيدەنتىنىڭ ءباسپاسوز حاتشىسى كاميل اللامجونوۆ.

وتكەن اپتادا جيزاق وبلىسىنىڭ زاربدار اۋدانىنىڭ اتقامىنەرلەرى شاۆكات ميرزيەەۆتىڭ ءىس-ساپارى بارىسىندا جەرگىلىكتى كوللەدج ستۋدەنتتەرىن ءالى اشىلماعان تىگىن كومبيناتىنىڭ جۇمىسشىلارى ەتىپ كورسەتىپ، «پرەزيدەنتكە ارنالعان شوۋ» وتكىزگەن. كەيىننەن بۇل وقيعا قوعامدا قىزۋ تالقىلانىپ، «ميرزيەەۆ ماڭايىندا نە بولىپ جاتقانىن بىلمەيدى» - دەگەن قاڭقۋ ءسوز شىققان جانە باق وكىلدەرى بۇل جاعدايدى جارىسا جازعان.

وسىدان كەيىن ميرزەەۆتىڭ ءباسپاسوز حاتشىسى كاميل اللامجونوۆ ءوزىنىڭ Faceboوk پاراقشاسىنا اتالمىش جاعدايعا بايلانىستى تۇسىنىكتەمە بەرگەن. وندا ول: «ءبىز بۇل جايىندا بىلدىك. سىزدەر بايقاساڭىزدار بۇل تسەح 10 ايدىڭ ىشىندە جوق جەردەن پايدا بولدى. ول قازىر 100 پايىز جۇمىس ىستەپ تۇرعان جوق. كاسىپورىن يەلەرى ۇيرەتۋ ماقساتىندا جاقىن اۋىلداردىڭ تۇرعىندارىن جۇمىسقا العان. ولار الداعى ۋاقىتتا وسى كاسىپورىندا جۇمىس ىستەيتىن بولادى» - دەگەن.

“The Qazaq Times”