Bişkekte 13-14 qaraşada Qırğız Respublikasındağı Qazaqstan medicinasınıñ künderi ötti. Bwl is-şara Qazaqstan jäne Qırğızstannıñ medicinalıq wyımdarınıñ arasındağı seriktestik pen özara qarım-qatınastı nığaytuğa bağıttalğan.

Foto: A.N.Sızğanov atındağı Wlttıq ğılımi hirurgiya ortalığınıñ baspasöz qızmeti.

Qazaqstandıq delegaciyanıñ qwramında QR Densaulıq saqtau ministrliginiñ, jetekşi medicinalıq ortalıqtardıñ, memlekettik jäne jeke densaulıq saqtau wyımdarınıñ, JOO-lardıñ, farmacevtikalıq önimderdi öndiruşilerdiñ, medicinalıq qoğamdardıñ jetekşi mamandarı bar. Qazaqstandıq delegaciyanıñ basşısı — QR Densaulıq saqtau ministri Eljan Birtanov.

Foto: A.N.Sızğanov atındağı Wlttıq ğılımi hirurgiya ortalığınıñ baspasöz qızmeti.

A.N.Sızğanov atındağı Wlttıq ğılımi hirurgiya ortalığın basqarma törağasınıñ mindetin atqaruşı Baymahanov Bolatbek Bimendewlı tanıstırdı. Bolatbek Beymendewlı joğarı deñgeydegi osı sessiyada «Qazaqstan Respublikasındağı organdıq transplantaciya» taqırıbında bayandama jasadı. Sonday-aq, A.N.Sızğanov atındağı Wlttıq ğılımi hirurgiya ortalığı Qırğız Respublikası Densaulıq saqtau ministrliginiñ Wlttıq hirurgiya ortalığımen, Qırğızstan gepatologtar qauımdastığımen, Qırğız Respublikasınıñ Ana men balanı qorğau wlttıq ortalığımen seriktestik turalı memorandumğa qol qoydı. Osı eki jaqtı seriktestik pen ıntımaqtastıq turalı memorandum Qazaqstan men Qırğızstan arasındağı äriptestiktiñ damuına, sonımen qatar medicinalıq wyımdardıñ intellektualdıq jäne innovaciyalıq resurstarınıñ artuına ıqpal etedi.

Atalmış is-şaranıñ ekinşi küni «Gepatologiyanıñ özekti mäseleleri» taqırıbında şeberlik sabaqtarı ötkizildi. A.N. Sızğanov atındağı Wlttıq ğılımi hirurgiya ortalığınıñ professorı İliyasova Bibigül Saparbekqızı mınaday taqırıptarda bayandama wsındı:

  1. Qazaqstandağı V virustıq gepatitiniñ jäne del'ta-agenti bar V virustıq gepatitiniñ küşeyu faktorları.
  2. Transplantaciyalıq gepatologiyanıñ mäseleleri. Negizgi nätijeler.
  3. Qırğızstandağı gepatologiyanıñ özekti mäseleleri.

Sonday-aq A.N. Sızğanov atındağı WĞHO-nıñ mamandarı bauır aurularına şaldıqqan nauqastarğa tegin konsul'taciyalar wyımdastırdı. Keybir klinikalıq jağdaylar qarastırıldı.

“The Qazaq Times”