2017 جىلدىڭ جەلتوقسان ايىندا مىندەتتى مەديتسينالىق ساقتاندىرۋ قورىنا اۋدارىلعان قاراجات كولەمى 7,4 ملرد تەڭگەنى قۇرادى. بۇل تۋرالى قوردىڭ ءباسپاسوز قىزمەتى حابارلادى، دەپ جازدى LS.
حابارلانعانداي، 2017 جىلدىڭ 1 شىلدەسى مەن 31 جەلتوقسان ارالىعىندا جۇمىسشىلار مەن جەكە كاسىپكەرلەردەن اۋدارىلعان اۋدارىمدار مەن جارنالار كولەمى 32,1 ملرد تەڭگە بولعان.
"اۋدارىمداردىڭ 26,4 ملرد تەڭگەسى (82,2%) جۇمىس بەرۋشىلەردىكى، 5,7 ميللياردى (17,8%) ازاماتتىق-قۇقىقتىق كەلىسىم بويىنشا جۇمىس ىستەپ جاتقان جەكە تۇلعالار مەن جەكە كاسىپكەرلەردىكى", - دەپ تۇسىندىرگەن ءباسپاسوز قىزمەتى.
ال وڭىرلەرگە كەلەر بولساق، اۋدارىمداردىڭ كوپ مولشەرى الماتى جانە استانادان، سونداي-اق، قاراعاندى مەن شىعىس قازاقستان وبلىستارىنان بولعان.
ۆەدومستۆونىڭ مالىمەتىنشە، 2017 جىلدىڭ ەسەبى بويىنشا جينالعان قاراجات كولەمى قوردىڭ بولجامىنان (30 ملرد تەڭگە كولەمىندە جينالادى دەپ بولجانعان) كوپ بولعان.
ايتا كەتەيىك، 2017 جىلدىڭ 4 قىركۇيەگىندە قازاقستان پرەزيدەنتى نۇرسۇلتان نازارباەۆ مىندەتتى الەۋمەتتىك مەديتسينالىق ساقتاندىرۋ جۇيەسىندەگى كەمشىلىكتەرگە نازار اۋدارىپ، اتالعان جۇيەنى ەنگىزۋگە اسىقپاۋ كەرەگى تۋرالى ايتقان. شىن مانىندە 2017 جىلدىڭ 1 شىلدەسىنەن باستاپ ساقتاندىرۋ قورىنا اقشا اۋدارۋ باستالىپ كەتكەن. 2018 جىلدىڭ 1 قاڭتارىنان باستاپ وسى ساقتاندىرۋ قورىنداعى قاراجات ارقىلى مەديتسينالىق قىزمەت كورسەتۋ باستالۋ كەرەك ەدى. الايدا ەندى بۇل قىزمەتتى پايدالانۋ دا مۇمكىن بولمايتىن سياقتى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
