Düniejüzilik Densaulıq saqtau wyımı taratqan mälimetke qarağanda, 24 sağat işinde indet jwqtırğan 260 mıñ jaña jağday tirkelgen. Bwl qazirge deyingi rekordtıq körsetkiştiñ bärin jañaladı. Ökinişke oray, älem boyınşa indetten 600 mıñnan astam adam köz jwmdı. Onıñ törtten biri AQŞ-ta.

Soğan qaramastan, prezident Tramp qaza bolu körsetkişi Qwrama Ştatarda eñ tömen dep swhbat berdi. Ol Fox News arnasına bergen swhbatında, joğarıdağı mälimetti jariyalağan Jon Hopkins Universitetiniñ mälimetine senbeytinin aytqan. Atalğan universitettiñ mälimetinşe, indet tarala bastağannan tartıp qazirge deyin 14, 3 mln adamğa jwqqan. Eñ qarqındı tarap jatqan elder AQŞ, Braziliya, Ündistan jäne Oñtüstik Afrika.

Al, DDW mälimetinde Covid-19 virusınan soñğı täulike 7360 adam köz jwmğan. Bwl mamırdan bergi eñ joğarı körsetkiş. Qazir Batıs Europa elderi indettiñ qayta taraluın toqtatuğa qam qılıp jatır. Soğan qaramastan, biznesti jandandıru üşin şekralarda aşılmaq. Al, şeteldik aqparat qwraldarı Europa Odağı alğa qoyğan dağdarıstı eñseru josparlarınıñ eş nätijesi bolmay jatqanın jazuda.

"The Qazaq Times"