2018 jıldıñ qañtar ayında Medicinalıq saqtandıru qorınıñ Wlttıq banktegi şotına 6 mlrd teñgege juıq jarna audarıldı, dep habarlaydı medicinalıq saqtandıru qorınıñ baspasöz qızmeti. 

Jalpı, jaña jüye iske qosılğan 2017 jıldıñ şildesinen qañtar ayınıñ soñına deyin tüsken tüsimderdiñ jalpı kölemi 38 mlrd teñgeni qwradı.

Onıñ işinde, 31,3 mlrd teñge (82,4%) jwmıs beruşilerdiñ audarımdarı bolsa, qalğan 6,7 mlrd teñgege juıq qarjı (şamamen 17,6%) jeke käsipkerler men azamattıq-qwqıqtıq kelisimşart negizinde eñbek etetin twlğalarğa tiesili.

Aumaqtıq twrğıdan alğanda, jarna töleu jağınan Almatı men Astana qalaları, sonday-aq, Qarağandı oblısı köş bastap keledi.

Ayta keteyik, mindetti äleumettik medicinalıq saqtandıru jüyesi Qazaqstanda 2017 jıldıñ 1 şildesinen bastap iske qosılağan. Bwl jüyeniñ qosıluına sarapşılar qarsılıq tanıtqan edi. Sonday-aq, enti Qazaqstan prezidenti Nwrswltan Nazarbaev mindetti äleumettik medicinalıq saqtandıru jüyesindegi kemşilikterge nazar audarıp, atalğan jüyeni engizuge asıqpauğa şaqırğan edi.

 “The Qazaq Times”