Foto: BBC.com

Biılğı Oskar sıylığına älemge keñ tanılğan La La Land fil'mi wsınıldı.  Bwl turalı BBC.com  jañalıqtar qızmeti habarlaydı. Zamanauai muzıkalıq romantika kinomandardıñ köñilinen şıqtı deuimizge negiz bar. Sonday-aq,  olar (kinomandar) fil'mde oynağan  Emma Stoun men Rayan Gosling nominanttar qatarında boladı dep boljam jasauda. 

Oqırmandardıñ nazarına biz söz etip otırğan La La Land fil'mi jaylı aqparattardı wsınğandı jön sanadıq.

«La-La Lend» — Demien Şazell tüsirgen amerikalıq tragikomediya janrındağı myuzikl fil'mi.Fil'm Los-Andjelestegi jas aktrisağa ğaşıq bolğan djaz pianoşı turalı bayandaydı. Lentanıñ älemdik prem'erası 2016 jıldıñ 31 tamız küni Venecian halıqaralıq festivalinde ötkizilip, sol festival'diñ aşılu fil'mi retinde körsetildi. Al Qazaqstandağı prem'erası — 2017 jıldıñ 12 qañtar ötti. Bwl fil'mdi körgenderdiñ barlığı joğarı bağa berude. Prodyuser, telejürgizuşi Läylä Swltanqızı da  Massagetke jariyalağan  fil'm jaylı jazbasında bılay delingen: "La-la lendten» rejisserlik şeberliktiñ şıñın kördim. Är böliginiñ bölşegine deyin, ärbir qimıl däldikpen öleşenip-pişilgen. Fleşmobtı 100-den asa kölikpen jol boyındağı kepteliste orındau – keremet körinis. Kiim, stil', bi – bäri-bäri jarasımdı. Kemşilik tappaysız. Anayı kartinalardan ada. Külki de bar".

Oskar sıylığına wsınılatın tağı basqa da fil'mder bar. Olar: Qara näsildi adamnıñ Mayamidegi qızıqtı oqiğaları turalı tüsirilgen Moonlight fil'mi;  psihologiyalıq Manchester By The Sea fil'mi jäne ğılımi-fantastikalıq  Arrival fil'mi.

Natali Portman. AQŞ prezidenti D.Kennedidiñ jwbayı rölinde. Foto: BBC.com

Eñ üzdik äyel röline beriletin Oskarğa Manchester By The Sea fil'miniñ bastı rölin somdağan Natali Portman men La La Land fil'miniñ aktrisası Emma Stoun  wsınılğan. Al akter nominaciyasına däl osı fil'mderdegi bastı röldi somdağan Denzel Uaşington men Rayan Goslingti wsınğan.

Sonımen qatar, Oskarğa wsınılğan birneşe adamdardı oqırman nazarına wsınamız:

Denzel Uaşington. 2 jıl qatarınan "Eñ üzdik akter" nominaciyasın alğan.Oskar sıylığına üşinşi ret wsınıldı. Foto: bbc.com

2017 jılğı Oskar sıylığınıñ nominanttarınıñ  qatarında: D.Uaşington (Fences), Viola Devis (Fences), Naomi Harris (Moonlight), Maherşalalhaşbaz Ali  (Moonlight) jäne Oktaviya Spenser (Hidden Figures) bar.

Naomi Harris - Britandıq aktrisa. Foto: bbc.com

Naomi Harris – Oskarğa qatısatın Britaniyadağı üzdik aktrisalardıñ biregeyi. Bwl elden  atalmış fil'm bäygesine Andryu Garfild (Hacksaw Ridge/Silence), Aaron Taylor-Jonson (Nocturnal Animals), Dev Patel  (Lion) jäne Hug Grant (Florence Foster Jenkins) qatısadı.

Deadpool "Eñ üzdik kinokartina" nominaciyasına wsınıldı. Foto: bbc.com

Kinosınşılardıñ aytuınşa, Dedpul fil'mi eñ üzdik kinokartina atanuğa layıqtı. Sebebi, bwl kino Golden Globes (Altın globus) jäne  Producers Guild of America Awards naminaciyasına wsınılğan.

Oskar  - Amerikada jıl sayın dästürli türde ötetin, kinoindustriyağa qosqan ülesi üşin beriletin  "premiya". Osı Oskardıñ töñireginde dau-damay da, äñgime de köp. Degenmen, şın jüyrikter men mıqtı kinokartinalardı anıqtaydı. Qazirgi tañda  qazaq kinosı jaña betbwrıstar jasap, şet elge prokatqa beruge twrarlıq, körermenniñ köñilinen şığıp jürgen kinolarmen tolıqtı. Bizden La-la Lend siyaqtı kino şayqpaydı emes, şığadı. Otandıq önimderimizdi Oskar siyaqtı älemdik jobalarğa wsınatın kün de keledi äli. Tilekşi bolayıq. Otandıq önimdi qoldayıq.

“The Qazaq Times”