Foto: eadaily.com

Qırğızstan Qazaqstanğa baylanıstı Düniejüzi sauda wyımına jibergen şağımın qaytarıp almaq.

Jeltoqsan ayınıñ 5-si küni Bişkek qalasında ötken baspasöz mäslihatında atalmış jağdayğa baylanıstı Qırğızstan vice-prem'er-ministri Tolqınbek Abdığwlov jurnalister aldında söylegen sözinde: «Biz Qazaqstanğa baylanıstı Düniejüzi sauda wyımına jibergen şağımımızdı qaytarıp alamız. Eñ bastısı biz bolğan jağdaydı DSW-ğa jetkizdik» - degen.

Esteriñizge salayıq, 10 qaraşa küni Qırğızstan Düniejüzi sauda wyımında Qazaqstan tarapın «şekaranı negizsiz jauıp tastadı» dep ayıptap, şağım tüsirgen. Keyinnen wyımğa müşe Japoniya, Moldova, Oñtüstik Koreya elderi atalmış jağdaydı eki jaqtıq kelissöz arqılı şeşu kerektigin aytqan bolatın.

“The Qazaq Times”