Foto: rferl.org

Täjikstan Euraziyalıq ekonomikalıq odaqqa müşe boluı mümkin – dep habarlaydı Sputnik Täjikstan aqparat agenttigi.

Qaraşa ayınıñ 20-sı küni Resey Sırtqı ister ministri Sergey Lavrov Baku qalasındağı ADA universitetinde söylegen sözinde: «Resey Äzirbayjannıñ EAEO-ğa müşe bolğanın qay uaqıtta bolsa da qoldaydı. Qazirgi tañda Täjikstandı Euraziyalıq ekonomikalıq odaqqa qabıldauğa baylanıstı qwjattar qaraluda» - degen.

Esteriñizge salayıq, bwğan deyin Täjikstan keden qızmeti törağasınıñ orınbasırı Hurşed Kärimzoda: «Täjikstan ükimeti EAEO-ğa müşe boluğa baylanıstı Qırğızstan men Armeniya elderiniñ täjiribesin qarauda» - dep mälimdegen bolatın.

Köptegen täjikstandıq sarapşılardıñ sözinşe, Euraziyalıq ekonomikalıq odaqqa müşe elder Täjikstandı odaqqa qabıldaudı ädeyi keşiktirip otır. EAEO-ğa müşe bolamın dep jürgen soñğı eki jılda el ükimeti altı milliard dollar qarjı joğaltqan.

“The Qazaq Times”