تاجىكستان ەاەو-عا مۇشە بولۋى مۇمكىن

تاجىكستان ەۋرازيالىق ەكونوميكالىق وداققا مۇشە بولۋى مۇمكىن – دەپ حابارلايدى Sputnik تاجىكستان اقپارات اگەنتتىگى.

قاراشا ايىنىڭ 20-سى كۇنى رەسەي سىرتقى ىستەر ءمينيسترى سەرگەي لاۆروۆ باكۋ قالاسىنداعى ADA ۋنيۆەرسيتەتىندە سويلەگەن سوزىندە: «رەسەي ءازىربايجاننىڭ ەاەو-عا مۇشە بولعانىن قاي ۋاقىتتا بولسا دا قولدايدى. قازىرگى تاڭدا تاجىكستاندى ەۋرازيالىق ەكونوميكالىق وداققا قابىلداۋعا بايلانىستى قۇجاتتار قارالۋدا» - دەگەن.

ەستەرىڭىزگە سالايىق، بۇعان دەيىن تاجىكستان كەدەن قىزمەتى توراعاسىنىڭ ورىنباسىرى حۋرشەد كارىمزودا: «تاجىكستان ۇكىمەتى ەاەو-عا مۇشە بولۋعا بايلانىستى قىرعىزستان مەن ارمەنيا ەلدەرىنىڭ تاجىريبەسىن قاراۋدا» - دەپ مالىمدەگەن بولاتىن.

كوپتەگەن تاجىكستاندىق ساراپشىلاردىڭ سوزىنشە، ەۋرازيالىق ەكونوميكالىق وداققا مۇشە ەلدەر تاجىكستاندى وداققا قابىلداۋدى ادەيى كەشىكتىرىپ وتىر. ەاەو-عا مۇشە بولامىن دەپ جۇرگەن سوڭعى ەكى جىلدا ەل ۇكىمەتى التى ميلليارد دوللار قارجى جوعالتقان.

“The Qazaq Times”