Foto: Sputnik Kırgızstan

Qırğızstan Düniejüzi sauda wyımınıñ ştab päterinde qazaq-qırğız şekarasındağı dau jayında mälimdeme jasadı.

Qaraşa ayınıñ 10-ı küni Qırğızstan delegaciyası Düniejüzi sauda wyımınıñ tauar satu keñesiniñ otırısına qatısqan. Onda Qırğızstan ekonomika ministriniñ orınbasarı Almaz Sazbaqov DSW keñes müşeleri men otırısqa qatısuşılarğa qazaq-qırğız şekarasında Qazaqstan tarapınıñ Qırğızstan tauarların öz aumağına negizsiz ötkizbey otırğandığın aytqan. Sazbaqov sözinşe, Qazaqstan biligi Qırğızstan tauarların şekaradan ötkizbeu arqılı DSW qağidalarına qayşı kelude jäne resmi Astananıñ bwl äreketi Halıqaralıq valyuta qorınıñ mälimetinşe, Qırğızstandı 200 million dollar şığınğa batırğan. Bwl qırğız ekonomikasınıñ ösimi soñğı bir ayda 0,3 payızğa tömendetken.

Qırğızstannıñ Düniejüzi sauda wyımına şağım tüsiruin atalmış wyımdağı Qazaqstan delegaciyası qalıptı jağday retinde qabıldağan. Qazaqstan tarapı şekaranıñ küşeytilgen rejimde jwmıs isteui men Qırğızstan tauarlarınıñ elge jiberilmeuin qırğız önimderiniñ sanitarlıq, fitosanitarlıq talaptarğa say emes ekendigimen tüsindirgen.

Qazaq-qırğız şekarasındağı daudı Düniejüzi sauda wyımınıñ Japoniya, Oñtüstik Koreya jäne Moldova sındı müşeleri tez arada ekijaqtıq kelissözder arqılı şeşu kerektigin aytqan.

“The Qazaq Times”