N'yu-York qalasında terrorlıq şabuıl jasağan Özbekstan azamatı boluı mümkin (Video)

AQŞ-tıñ N'yu-York qalasında terrorlıq şabuıl jasağan Özbekstan azamatı boluı mümkin – dep habarlaydı VVS aqparat qızmeti.

Qazan ayınıñ 31-i küni N'yu-York qalasınıñ Manhetten audanında belgisiz azamat jük köligimen jayau jürginşiler jolağına şığıp ketken. Saldarınan 8 adam köz jwmıp, 11 adam jaraqat alğan. Köz jwmğandar arasında AQŞ azamattarınan bölek, Bel'giya jäne Argentina azamattarı bar. Bwl jayında Amerikadağı Bel'giya elşisi Did'e Reynders pen Argentina SİM mälimdeme taratqan.

Foto: Reuters

Atalmış oqiğadan keyin, amerikalıq BAQ ökilderi "Manhettanda lañkestik şabuıl jasağan Özbekstan azamatı" degen habar taratqan. Washington Post basılımınıñ mälimetinşe, N'yu-York qalasında terrorlıq şabuıl jasağan 29 jastağı Özbekstan azamatı Seyfullo Saipov. Ol bwnday qadamğa «Islam memleketi» wyımınıñ nwsqauı boyınşa barğan. Biraq Saipovtıñ jaqın tanısı Kobıljon Matkarov NBC telearnası bergen swhbatında: «Saipovtıñ terrorlıq şabuıl jasauı mümkin emes. Ol AQŞ-tı janınday jaqsı köretin. Ol lañkes emes» - degen.

“The Qazaq Times”