سەيفۋللو سايپوۆ. فوتو: ۆۆس.

اقش-تىڭ نيۋ-يورك قالاسىندا تەررورلىق شابۋىل جاساعان وزبەكستان ازاماتى بولۋى مۇمكىن – دەپ حابارلايدى ۆۆس اقپارات قىزمەتى.

قازان ايىنىڭ 31-ءى كۇنى نيۋ-يورك قالاسىنىڭ مانحەتتەن اۋدانىندا بەلگىسىز ازامات جۇك كولىگىمەن جاياۋ جۇرگىنشىلەر جولاعىنا شىعىپ كەتكەن. سالدارىنان 8 ادام كوز جۇمىپ، 11 ادام جاراقات العان. كوز جۇمعاندار اراسىندا اقش ازاماتتارىنان بولەك، بەلگيا جانە ارگەنتينا ازاماتتارى بار. بۇل جايىندا امەريكاداعى بەلگيا ەلشىسى ديدە رەيندەرس پەن ارگەنتينا ءسىم مالىمدەمە تاراتقان.

فوتو: Reuters

اتالمىش وقيعادان كەيىن، امەريكالىق باق وكىلدەرى "مانحەتتاندا لاڭكەستىك شابۋىل جاساعان وزبەكستان ازاماتى" دەگەن حابار تاراتقان. Washington Post باسىلىمىنىڭ مالىمەتىنشە، نيۋ-يورك قالاسىندا تەررورلىق شابۋىل جاساعان 29 جاستاعى وزبەكستان ازاماتى سەيفۋللو سايپوۆ. ول بۇنداي قادامعا «يسلام مەملەكەتى» ۇيىمىنىڭ نۇسقاۋى بويىنشا بارعان. بىراق سايپوۆتىڭ جاقىن تانىسى كوبىلجون ماتكاروۆ NBC تەلەارناسى بەرگەن سۇحباتىندا: «سايپوۆتىڭ تەررورلىق شابۋىل جاساۋى مۇمكىن ەمەس. ول اقش-تى جانىنداي جاقسى كورەتىن. ول لاڭكەس ەمەس» - دەگەن.

“The Qazaq Times”