Foto: xuan.news.cn

Qazaqstandıqtar däri-därmekti köp qoldanatın bolğan. Al otandıq öndiruşiler bwl swranıstı qanağattandıra alıp otırğan joq. Sebebi osı jılı däri importı 33%-dı qwrağan, al işki narıqtağı däri importınıñ ülesi 58-100%-dı qwraydı. Mwnday mälimetti finprom.kz saraptama agenttigi tarattı. 

Medikament importtauşılar qazaqstandıq narıqta özderiniñ poziciyasın arttıra tüsudi barınşa qolğa alğan. Sebebi osı jıldıñ qañtar-tamız ayında 16,6 mıñ tonna däri-därmek jetkizilgen jäne bwl 2016 jıldıñ osı kezeñimen salıstırğanda 32,9%-ğa joğarı. Osılayşa körsetkiş 2016 jäne 2015 jılğıdan artıq bolıp otır.

Qarajat esebi boyınşa därilerdiñ jetkiziluine jwmsalğan qarajat ta az emes, 8 aydağı körsetkiş 21,2%-ğa nemese 524,2 mln dollarğa joğarı. YAğni bwdan 2014 jıldarı qısqara bastağan däri-därmek importı biıl qayta köbeyip otır.

Importtıñ artuı qazaqstandıq twtınuşılardıñ däri-därmekterge degen swranısınıñ artuımen baylanıstı. Olar antibiotikterdi men basqa da farmacevtikalıq preparattardı jii twtına bastağan. Al qızmet körsetu jäne profilaktikalıq preparattardı satu tömendedi.

Qazaqstandıqtar qazirdiñ özinde tek naqtı aurulardı emdeu üşin qajetti däri-därmekterdi satıp aladı eken, al immunitettiñ tömendeuin aldın aluğa jäne nığaytuğa arnalğan däri-därmekterdi satıp aludan ünemdeydi; protivaminder, vitaminder men olardıñ türlerin satıp alu soñğı eki jılda mülde azayğan. Mısalı osı jıldıñ 8 ayında elimizde 85 tonna vitamin men provitamin satılğan, al bwl ötken jılmen salıstırğanda 27% -ğa az.

Al däri jetkizetin elderge keler bolsaq, Germaniya Qazaqstanğa eñ köp däri äkeletin el. Eseptik kezeñde olardıñ elge äkelgen däri-därmeginiñ ülesi  17,8%-dı nemese 93,4 mln dollardı qwrağan. Al Reseyden 10,8 mln dollarğa, Niderlandıdan 9,6 mlrn dollarğa farmacevtikalıq preparattar jetkizilgen.

Ayta keteyik, Qazaqstanda älemettik mañızı bar dünielerdiñ bäri qımbat jäne soñğı uaqıtta jemqorlıq dauı da osı salalarğa qatısı jii tuındap jür. Tipti mindetti äleumettik medicinalıq saqtandıru paketinen halıqtıñ qaltası kötere bermeytin qımbat däri-därmekterdiñ tizimin körmeysiz.

“The Qazaq Times”