Foto: ISTORY.KZ

Senat deputatı Nwrlan Qılışpaev QR Prem'er ministri Baqıtjan Sağıntaevqa Qıtaydağı qazaq diasporasınıñ qwqıqtarı bwzılğanı turalı jağdaydı anıqtaudı swrap, deputattıq saual joldadı. Sonday-aq, ol aqparat rastalğan jağdayda qabıldanatın şaralar turalı habardar etuin swradı. 

Ol Qıtaydıñ Şıñjañ Wyğır avtonomiyalıq aymağında twratın qazaq halqı ökilderiniñ  qwqıqtarı bwzılğanı turalı mäsele 2017 jıldıñ mausımında ötken Düniejüzi qazaqtarınıñ qwrıltayında köterilgenin atap ötti. Onıñ aytuınşa, sol uaqıttan beri aqparat qwraldarında jäne äleumettik jelilerde 1,5 millionnan astam qandastıñ qwqıqtarı şektelip jatqanı turalı qauesetter keñinen taralğan.

"Osınday beyresmi aqparattarğa sensek, olardıñ dini qwqıqtarı şektelip, qazaq diasporasınıñ şeteldik pasporttarı keri qaytarılıp jatqanı turalı aytılıp jür. Meniñ swrağım mınaday: Qıtaydağı qazaq diasporasınıñ qwqıqtarı bwzılğanı turalı aqparat qanşalıqtı ras? Jalpı Qıtaydağı qazaq diasporasınıñ jağdayı jäne olardıñ qwqıqtarınıñ qorğalu deñgeyi qanday? Olarğa qısım körsete me? Qazaqstan Respublikası Sırtqı ister ministrliginiñ tarapınan bwl mäseleni taldau jäne zertteu boyınşa qanday jwmıstar jürgizildi? Osığan qatıstı qıtay tarapımen kelissözder nemese konsul'taciyalar boldı ma?", - dep saual joldadı deputat Sağıntaevqa.

 

Ayta keteyik, 24 qazan küni QR Sırtqı İster Ministrliginiñ Almatıdağı böliminde Qıtaydıñ Şınjañ jerinde qamauğa alınğan nemese «sayasi üyrenuge» jiberilgen qazaq azamattarınıñ Qazaqstandağı tuıstarın, olardıñ arız-şağımın qabıldau boldı. Qwzırlı orın jinalğandardan 15 adamdı jeke-jeke qabıldap, Qıtayğa ketip orala almay otırğan nemese sonda twratın tuıstarınıñ ükimet jağınan qısım körgen isi turalı män-jay swrasqan.

Arız beruşilerdiñ sözine qarağanda Şınjañ jerinde qısımğa wşırağandar arasında Qazaqstan azamattarı da boluı mümkin dep otır. Biraq ol turalı anıq derek joq. Aldağı uaqıtta bwl adamdardıñ tuıstarınan şağımdardı qabıldap alıp, Qıtay tarabınıñ tekserip-anıqtauına joldamaq.

“The Qazaq Times”