Foto: www.dw.com

Europa Odağı Şıñjañdağı etnikalıq toptardıñ hal-ahualına alañdauşılıq bildirip otır. Euroodaqtıñ sırtqı sayasat jönindegi joğarğı ökili Federika Mogerini osılay dep mälimdedi.

Şıñjañ aymağında adam qwqığın taptau jalğasıp, «sayasi lagerler» sanı artqan. Barlıq memleketter Qıtaydıñ özge wlttarğa jasap otırğan qorlığına qarsılıq bildiru kerektigin aytqan Federika Mogerini osı mäseleni retteuge niet bildirdi. Euroodaq ökilderi BWW-nıñ adam qwqığı jönindegi Joğarı komissarınıñ Qıtaydağı barlıq aymaqtardı aralap, halıqtardıñ jağdayımen tanısıp kelu turalı şeşimine qoldau bildirdi. Sonday-aq Federika Mogerini EO basşılarınıñ atınan «näsildik kemsituşilikti aşıqtan-aşıq arttırıp otırğan» Qıtayğa eskertu jasadı.

Ayta keteyik, halıqaralıq qwqıq qorğauşı wyımdar Qıtaydağı etnikalıq toptardıñ jağdayına basa nazar audaruda. Key derekter boyınşa Şıñjañdağı «sayasi lager'lerde» mıñdağan qazaq qamauda otır. Osığan deyin AQŞ qwqıq qorğauşıları Beyjiñdi Şıñjañdağı türkitildes mwsılmandarğa qarsı jüyeli nauqan wyımdastırıp keledi dep ayıptağan bolatın. Sonımen qatar olar «adam qwqığın taptap, key wlttarğa jazıqsızdan-jazıqsız qorlıq körsetip otırğan» QHR-dı «qwqıq saqtalmağan aymaq» dep atadı.

"The Qazaq Times"