QR Prem'er ministri Baqıtjan Sağıntaev. Foto: almaty.gov.kz

QR Prem'er-Ministri Baqıtjan Sağıntaev Almatıdağı şağın jäne orta biznes orındarınıñ qızmetimen tanıstı, dep habarlaydı Almatı qalası äkimdiginiñ baspasöz qızmeti.

Ol  aldımen «Magnum Cash&Carry» JŞS aralap, şaruaşılıq jäne azıq-tülik tauarlarınıñ, nan-toqaş, konditerlik önimder, jemis-kökönis jäne et-süt önimderi sekciyaların körip şıqtı.

«Magnum Cash&Carry» kompaniyasınıñ mälimetinşe, Almatıdağı bölşek sauda narığındağı onıñ ülesi — 50%-ğa juıq. Jeli dükenderine keletin satıp aluşılar sanı orta eseppen alğanda 61 mıñnan astam adamdı qwraydı.

Prem'er-Ministr «EFKO Almatı» JŞS may önimderin öndiretin käsiporınğa barıp, may öndiru keşenin qayta qwru men jañğırtudı da tekserdi. Kompaniya joğarı älemdik standarttarğa say may jäne margarin öndirisin rettey aldı eken.

Investiciyalar kölemi 11 mlrd teñgeden asatın «EFKO Almatı» may klasterin qwru jobası Almatınıñ Industriyalandıru kartasına jäne «Biznestiñ jol kartası – 2020» bağdarlamasına engizilgen.

Kompaniyanıñ basşısı Nwrjan Qojamwratovtıñ aytuınşa, kürdeli makroekonomikalıq jağdayğa qaramastan, käsiporın may önimderi öndirisi men eksportı kölemin arttıradı, bwl Qazaqstanğa 2025 jılğa qaray onıñ Ortalıq Aziyadağı jetkizuşisi boluğa mümkindik beredi.

Bwdan bölek Baqıtjan Sağıntaev äskeri tehnika äzirleu, öndiru, jöndeu, jañğırtu jäne qarulandıru boyınşa käsiporın — «Almatıenergoservis» JŞS-da boldı.

“The Qazaq Times”