Foto: Novoye Vremya

Ukraina biligi Gruziyanıñ bwrınğı prezidenti, Odessa oblısınıñ eks-gubernatorı Mihail Saakaşvilidi elden deportaciyalau jayında söz qozğay bastadı.

Ukraina bas prokurorı YUriy Lucenkonıñ sözinşe, qazirgi tañda Mihail Saakaşvilidi ekstradiciyalauğa nemese deportaciyalauğa eşqanday kedergi joq. Sebebi Ukraina köşi-qon qızmeti Saakaşvilige sayasi bosqın statusın beruden bas tartqan. Al Mihail Saakaşvilidiñ özi bwl jayında öziniñ Facebook paraqşasında: «Qazir meniñ Ukrainadağı statusım zañdı. Men Ukrainada twrğılıqtı meken jayı bar azamatpın. Meni elden deportaciyalauğa nemese ekstradiciyalauğa bolmaydı» - dep jazğan.

Bwdan bölek YUriy Lucenko Mihail Saakaşvilidi üşinşi bir memleketterdiñ qoldauımen Joğarı Rada ğimaratı aldında memlekettik töñkeris jasamaqşı boldı dep ayıptağan. Esteriñizge salayıq, qazan ayınıñ 22-si küni Joğarı Rada ğimaratı aldında Mihail Saakaşvili jaqtastarı men policiya arasında qaqtığıs orın alıp, wlttıq gvardiya sarbazdarı ereuilşilerge qarsı közdi jasauratatın gaz qoldanğan bolatın.

“The Qazaq Times”