فوتو: Novoye Vremya

ۋكراينا بيلىگى گرۋزيانىڭ بۇرىنعى پرەزيدەنتى، ودەسسا وبلىسىنىڭ ەكس-گۋبەرناتورى ميحايل سااكاشۆيليدى ەلدەن دەپورتاتسيالاۋ جايىندا ءسوز قوزعاي باستادى.

ۋكراينا باس پروكۋرورى يۋري لۋتسەنكونىڭ سوزىنشە، قازىرگى تاڭدا ميحايل سااكاشۆيليدى ەكستراديتسيالاۋعا نەمەسە دەپورتاتسيالاۋعا ەشقانداي كەدەرگى جوق. سەبەبى ۋكراينا كوشى-قون قىزمەتى سااكاشۆيليگە ساياسي بوسقىن ستاتۋسىن بەرۋدەن باس تارتقان. ال ميحايل سااكاشۆيليدىڭ ءوزى بۇل جايىندا ءوزىنىڭ Facebook پاراقشاسىندا: «قازىر مەنىڭ ۋكرايناداعى ستاتۋسىم زاڭدى. مەن ۋكراينادا تۇرعىلىقتى مەكەن جايى بار ازاماتپىن. مەنى ەلدەن دەپورتاتسيالاۋعا نەمەسە ەكستراديتسيالاۋعا بولمايدى» - دەپ جازعان.

بۇدان بولەك يۋري لۋتسەنكو ميحايل سااكاشۆيليدى ءۇشىنشى ءبىر مەملەكەتتەردىڭ قولداۋىمەن جوعارى رادا عيماراتى الدىندا مەملەكەتتىك توڭكەرىس جاساماقشى بولدى دەپ ايىپتاعان. ەستەرىڭىزگە سالايىق، قازان ايىنىڭ 22-ءسى كۇنى جوعارى رادا عيماراتى الدىندا ميحايل سااكاشۆيلي جاقتاستارى مەن پوليتسيا اراسىندا قاقتىعىس ورىن الىپ، ۇلتتىق گۆارديا ساربازدارى ەرەۋىلشىلەرگە قارسى كوزدى جاساۋراتاتىن گاز قولدانعان بولاتىن.

“The Qazaq Times”