Foto: Best-mobile.com.ua

Qazaqstanda internetti qazaqstandıqtardıñ 74%-ı qoldanadı. Al jalpı älem boyınşa bwl körsetkiş 82%-dı qwraydı. Mwnday mälimetter KANTAR TNS kompaniyası jürgizgen zertteu jwmısında aytılğan. Kompaniya Google tapsırması boyınşa zertteu jasağan.

Qazaqstanda internetti belsendi paydalanatındar 25-34 (30%) jäne 35-44 (20%) jas aralığındağılar. Qoldanuşılar arasındağı erlerdiñ ülesi - 47%, äyelderdiki -  53%.

"Internetke qosılğan qwrılğılardıñ ekosisteması ärtürli jäne ärbir adam birneşe qwrılğını paydalanatını eskerilgen. Mısalı qazirgi uaqıtta ärbir qazaqstandıq kem degende 2 internetke qosılğan qwrılğını paydalanadı. Sonımen olardıñ 64%-ı smartfondardı qoldansa, 26% - noutbukti, 10%-ı smart TV-nı paydalanadı», - delingen zertteu jwmısında.

Bwdan bölek qazaqstandıqtar internetke qosıluğa mümkindigi bar netbuktardı, planşettardı, elektrondı kitaptardı, smart-sağattardı jäne trekerlardı paydalanadı.

Al smartfondı internetti qoldanu üşin paydalanatındar sanı jıl sayın artıp jatır. Sonday-aq, mobil'di tehnologiyanıñ damuı videokontentti onlayn qarau procesin de özgerip jatır. Sonımen 2017 jılı jası 16-dan asqan qazaqstandıqtardıñ 58%-ı videolardı komp'yuterden göri smartfonnan jii köretin bolğan.

Jalpı KANTAR TNS kompaniyası Connected Consumer Study zertteu jwmısı kezinde 63-ten astam eldiñ respondentterine saualnama jürgizgen. Qazaqstanda zertteu jwmıstarı 2017 jıldıñ 1 säuirinen 30 mausımına deyin jürgizilip, saualnamağa 16 jastan asqan 1000 respondent qatısqan.

“The Qazaq Times”