Qıtayda 1 jeltoqsannan bastap wyalı baylanıs jelilerin qoldanuşılarğa bet-jüzin skanerleu mindetteldi. Qıtayda ğalamtor qoldanuşılar jüz milliondap sanaladı, sonıñ basım köpşiligi wyalı telefondar arqılı internet qoldanadı. Qıtay ükimeti bwl jaña erejeni azamattardıñ müddeleri men zañdıq qwqığın qorğau üşin jasalğanın aytuda.

Qıtay ükimeti köp jıldan beri internet qoldanuşıların baqılau ädisterin kemeldendirip keledi. Osığan deyin wyalı baylanıs qızmetin qoldanuşılar, nemese wyalı telefon sim-kartaların alu üşin öziniñ jeke basın anıqtaytın qwjattardı qatañ talap etetin. Endi azamattardıñ jeke biografiyasın anıqtaytın bet-jüzdi skanerleu men jeke qwjattardı qatar talap etude. Bwğan qosa ğalamtor paydalanuşılardıñ äleumettik jelilerde mindetti türde öz esimderin paydalanudı qadağalamaq.

Oksford universitetiniñ Qıtay aqparattıq tehnologiyası jäne jasandı zerde  (intellekt) tehnologiyasın zertteuşi Jozeffer Dindin Qıtaydıñ kezekti jaña erejesi internet qauipsizdigin qamtamasız etumen qatar jeli  qoldanuşılardı keñ kölemde baqılauğa alu üşin jasalğan şara dep bağaladı. 

2017 jılı Qıtayda äleumettik jeli paydalanuşılardıñ jeke basın anıqtaytın mälimetterdiñ rastığın qatañ talap etetin zañ qabıldağan bolatın. Al, jaña ereje jeli qoldanuşılardı baqılaudı tipti de küşeyte tüsetinin sözsiz. Adamdardıñ jüzin jazbay tanitın tehnologiyanı Qıtay ükimeti keñirek qoldanıp keledi. Bwl jağında älem aldında twrğanı da belgili. Kezekti jaña ereje turalı Qıtay aqparat qwraldarı keñirek habarlağan da joq. Tek äleumettik jelilerde jekelegen jeli qoldanuşılardıñ narazı pikirleri kezdesude. Olar biliktiñ azamattardıñ jeke qwpiyasınıñ saqtaluına barğan sayın qauip töndirip otırğanın aytadı.

“The Qazaq Times”