Resey 2013 jılı qwlağan «Proton-M» zımıranı üşin Qazaqstanğa ötemaqı töleytin boldı.

Qızılorda oblısınıñ äkimi Qırımbek Köşerbaevtıñ sözinşe, Resey tarapı 2013 jılı qwlağan «Proton-M» zımıranı üşin Qazaqstanğa ötemaqı töleuge mindetti. Ol jurnalister aldında söylegen sözinde: «Men «Proton-M» zımıranı qwlağan künniñ erteñinde oqiğa ornında boldım. Ol jerde reseylikter bölek tilde, biz müldem bölek tilde söylestik. Öytkeni ğarış aylağında kimniñ zañı jüretinin biz bilmedik. Olar öz zañdarı boyınşa söyleydi, biz öz zañımız boyınşa söylemiz. Biraq keyinnen ğarış aylağında Qazaqstan ekologiyalıq kodeksi boyınşa jwmıs isteytin bolıp kelistik. Qazir Qazaqstanğa tiisti ötemaqı töleuge baylanıstı kelissözder jürgizilude. «Resey ötemaqı töley me?» - degen swraq bwl jerde müldem bolmauı tiis» - degen.

Esteriñizge salayıq, «Proton-M» zımıranı 2013 jıldıñ şilde ayında Bayqoñır ğarış aylağınan äuege köterilgen bette apatqa wşırağan bolatın.

“The Qazaq Times”