رەسەي 2013 جىلى قۇلاعان «پروتون-م» زىمىرانى ءۇشىن قازاقستانعا وتەماقى تولەيتىن بولدى.

قىزىلوردا وبلىسىنىڭ اكىمى قىرىمبەك كوشەرباەۆتىڭ سوزىنشە، رەسەي تاراپى 2013 جىلى قۇلاعان «پروتون-م» زىمىرانى ءۇشىن قازاقستانعا وتەماقى تولەۋگە مىندەتتى. ول جۋرناليستەر الدىندا سويلەگەن سوزىندە: «مەن «پروتون-م» زىمىرانى قۇلاعان كۇننىڭ ەرتەڭىندە وقيعا ورنىندا بولدىم. ول جەردە رەسەيلىكتەر بولەك تىلدە، ءبىز مۇلدەم بولەك تىلدە سويلەستىك. ويتكەنى عارىش ايلاعىندا كىمنىڭ زاڭى جۇرەتىنىن ءبىز بىلمەدىك. ولار ءوز زاڭدارى بويىنشا سويلەيدى، ءبىز ءوز زاڭىمىز بويىنشا سويلەمىز. بىراق كەيىننەن عارىش ايلاعىندا قازاقستان ەكولوگيالىق كودەكسى بويىنشا جۇمىس ىستەيتىن بولىپ كەلىستىك. قازىر قازاقستانعا ءتيىستى وتەماقى تولەۋگە بايلانىستى كەلىسسوزدەر جۇرگىزىلۋدە. «رەسەي وتەماقى تولەي مە؟» - دەگەن سۇراق بۇل جەردە مۇلدەم بولماۋى ءتيىس» - دەگەن.

ەستەرىڭىزگە سالايىق، «پروتون-م» زىمىرانى 2013 جىلدىڭ شىلدە ايىندا بايقوڭىر عارىش ايلاعىنان اۋەگە كوتەرىلگەن بەتتە اپاتقا ۇشىراعان بولاتىن.

“The Qazaq Times”