Foto: express.co.uk

Resey Auğanstandağı «Taliban» qozğalısın qarjılandırıp otır – dep jazdı wlıbritaniyalıq «The Times» gazeti.

Basılım mälimetinşe, Resey Özbekstan arqılı Auğanstandağı «Taliban» qozğalısına tegin mwnay jetkizip berip otır. Al «Taliban» qozğalısı öz kezeginde bwl mwnaydı satu arqılı ayına 2,5 million dollar köleminde payda tabuda. Maqala avtorınıñ sözinşe, Mäskeu osınday qadamdarğa baru arqılı eki maqsattı közdep otır. Olardıñ biri - Auğanstan aymağında küş alıp kele jatqan «Islam memleketi» terrorlıq wyımına qarsı «Taliban» qozğalısın aydap salu. Al ekenşisi - auğan jerindegi NATO äskeri opperaciyalarına kedergi keltiru.

Maqala «The Times»  gazetinde jarıq köre salısımen RF Sırtqı ister ministrligi  atalmış jağdayğa baylanıstı birden qarsı mälimdeme jasağan. Resey SİM taratqan aqparat boyınşa, wlıbritaniyalıq «The Times» basılımı jariyalağan maqala tolıqtay jalğan materialdar negizinde qwrılğan. Bwnıñ barlığı Auğanstandağı NATO äskeriniñ sätsizdikterin jasıru jäne halıq nazarın özge düniege audaru.

Esteriñizge salayıq, bwğan deyin naurız ayında NATO-nıñ Europadağı birikken küşter basşısı Kerti Skaparotti: «Resey jasırın türde «Taliban» qozğalısın qoldap otıruı mümkin» - dep mälimdegen bolatın.

“The Qazaq Times”