AQŞ Türkiya basşıları. Foto: Sputnik International.

Esteriñizde bolsa osı aptanıñ soñında AQŞ pen Türkiya elşilikteri bir-birine viza berudi toqtatqanın art-artınan jariya etken edi. Alayda, bügin tüsten bwrın Türkiya ükimetiniñ ökilderi bwl dağdarıstıñ tek uaqıtşa ekenin ayttı. Bwl turalı Türkiyanıñ prem'er-ministriniñ orınbasarı Mehmet Şimşek mälimdegen bolatın. Habardı sol eldiñ «Türik tele-radio» qızmetiniñ resmi saytı jazdı.

Mehmet Şimşek 11-15 qazan aralığında Uaşingtonda ötetin Halıqaralıq Valyuta Qorı jäne Älem bankteriniñ keñesine qatısu üşin Qwrama Ştatqa saparlay bardı. Ol Türkiya ekonomikası atınan forumda söylegen sözinde türik jwrtınıñ ekonomikada köp ret reformanı jüzege asırğanın, qazir älemniñ 13-şi orınında twrğan Türkiya ekonomikasınıñ jay-küyin, Qwrama Ştatpen aldağı uaqıtta barlıq saladağı ıntımaqtastıqtı bayağıday qalıptı wstap twratındıqtarın ayttı. Ol ötken aptada bolğan viza berudegi dağdarıstıñ tek uaqıtşa ekenin aytıp ötti.

Mehmet Şimşek sözinde: «Türkiya egemen äri namıstı el retinde AQŞ-tıñ viza sayasatına birdey deñgeyde ğana jauap berdi», – dedi. Sonımen birge, Türkiya men AQŞ-tıñ köp jaqtarda müddelestigin eskere otırıp, qarım-qatınastardıñ qolaylı äri aşıq boluı kerek degendi atap ötti. Viza dağdarısınıñ şeşim tabuın Türkiya jaq ta asığa kütetinin jetkizdi.

“The Qazaq Times”