Donal'd Tramp jäne Rejep Tayıp Erdoğan. Foto: AR

Rejep Tayıp Erdoğan AQŞ-tıñ qazirgi prezidenti Donal'd Trampqa Ankara men Uaşington arasındağı qarım-qatınastı ortaq müddeler men qwndılıqtar negizinde damıtuğa mümkindik bergeni üşin alğıs ayttı.

Erdoğan joldağan hatta: «Saylaudıñ resmi nätijeleri qanday bolmasın, men sizge ortaq müddeler men qwndılıqtar negizinde Türkiya men AQŞ arasındağı qatınastardı damıtuğa negiz bolğanıñız üşin alğıs aytamın. Eki el arasındağı tarihi qalıptasqan dostıq, äriptestik jäne odaqtastıq qatınastarınıñ berik irgetası negizinde odan äri damu bizdiñ ortaq müddelerimizge say keledi. Biz aldağı uaqıtta osı bağıtta äreket etudi jalğastıramız», – delingen.

Bwğan deyin Türkiya prezidenti demokrat Djozef Baydendi prezidenttik saylaudağı jeñisimen qwttıqtağan bolatın.

AQŞ-ta prezident saylauı 3 qaraşada ötti. Tramptıñ qarsılası demokrat Djozef Bayden 270-ten astam dauıs jinap, saylaudağı jeñisin jariyaladı. Respublikalıq partiya ökilderi men Tramp Baydenniñ jeñgenin moyındamadı jäne saylauşılardıñ dauıstarın sanauğa qatıstı sottarğa jüginuge niet bildirdi. Sebebi olar «saylauda zañ bwzuşılıqtar boldı jäne Baydenniñ jeñiske jetui üşin sırtqı faktorlar ıqpal etti», – dep sanaydı.

"The Qazaq Times"