Rejep Tayıp Erdoğan jäne Donal'd Tramp. Foto: https://img.thedailybeast.com

AQŞ prezidenti Donal'd Tramp Türkiya basşısı Rejep Tayıp Erdoğanmen Süriya men Liviyadağı jağdaydı, sonday-aq Irandağı qaqtığıstardı talqıladı.

Aq üy ökili Djadd Dir: «Taraptar telefon arqılı dialog jürgizip, Süriya men Liviyadağı qauipsizdik jağdayın, Irandağı narazılıqtardı jäne Iran äue küşteriniñ ukrainalıq wşaqtı zımıranmen atqanı jöninde äñgimelesti», – deydi.

Liviyadağı jağday äli de twraqsız. 10 qañtarda Türkiyanıñ Wlttıq Qorğanıs ministrligi Reseymen birlesip Süriyanıñ soltüstigindegi Idlibedegi qaqtığıstardı toqtatuğa uağdalasqan.

12 qañtarda Liviyada Resey men Türkiya prezidentteri wsınğan bastamanıñ şeñberinde Tripolidegi Wlttıq kelisim jäne fel'dmarşal Halifa Haftar basqaratın Liviya wlttıq armiyası arasındağı kofliktti toqtatu rejimi küşine endi. 13 qañtarda Mäskeude eki el ökilderi resmi kezdesu ötkizip, Liviyada beybit jağday rejimin ornatu turalı kelisimge qol qoydı. Biraq, fel'dmarşal Halifa Haftar eşqanday kelisimge qol qoymastan Mäskeuden ketip qalğan.

14 qañtarğa qarağan tüni Haftar Tripolidiñ oñtüstiginde qaqtığıstardıñ qayta jandanatıt turalı mälimdeme jasadı. Sol sebepti Türkiya men Reseydiñ Liviyadağı jağdaydı twraqtandıruğa bağıttalğan qadamı sätsiz bop twr.

"The Qazaq Times"