Foto: Live Journal

Iraktıñ Joğarğı Sotı Kürdistan avtonomiyasınıñ täuelsizdigi üşin referendum wyımdastırğan basşılardı jauapqa tartu turalı şeşim şığardı. Osıdan eki apta bwrın Iraktağı Kürdistan avtonomiyası jeke dara memleket boluı üşin jalpıhalıqtıq referendum ötkizip, basım dauıspen jeñiske jetken bolatın. Endi Türkiya men Irannıñ tarapınan töngen qauip pen Ortalıq bilik qısımına wşırağan avtonomiyanıñ basşıların jazalau şarası bastalğanı turalı APF aqparattıq agenttigi jazdı. 

Iraktıñ Prem'er-ministri jetekşilik etetin Wlttıq qauipsizdik keñesi Kürdistandağı referendumnıñ wyımdastıru komitetiniñ Hendren Saleh bastağan eki müşesin twtqındau turalı şeşim qabıldadı. Olarğa Iraktıñ Konstituciyasına qayşı keletin referendumdı Ortalıq biliktiñ qarsılığına qaramastan ötkizgen degen ayıp tağılıp otır.

Irak sonday-aq, Kürdistandağı mwnaylı audandardıñ tabısın eseptep, iri ken orındarı monopolisterin jemqorlığı üşin jauapqa tartatının habarladı.

“The Qazaq Times”