QR parlament mäjilisiniñ deputatı Azat Peruaşev. Foto: Forbes

Qoğam qarajattı zañdastıru kezinde qanşa qarjı ofşordan qaytarılğanın jäne onıñ qanşa soması jinalğanın bilui kerek. Mäjilis deputatı Azat Peruaşev osığan qatıstı mälimetterdi jariyalaudı talap etti. 

"Aq jol" frakciyasınıñ köşbasşısı QR Prem'er-ministri Baqıtjan Sağıntaev pen QR Bas Prokurorı Jaqıp Asanovqa osınday deputattıq saual joldadı.

"Qoğam zañdastıruğa qatıstı naqtı aqparattı bilui tiis dep esepteymiz. Osığan baylanıstı bizge ofşorlı aymaqtan Qazaqstan ekonomikasına qanşa aqşa qaytarılğanı turalı jäne qwqıq qorğau organdarınıñ äreketi nätijesinde jinalğan qarajat jöninde aqparat beruleriñizdi swraymız. Bwdan bölek, Qazaqstannan qarajat alıp şığuğa qanşa ret äreket jasalğan?", - dedi deputat.

Deputattıñ sözinşe, ereje boyınşa zañsız şığarılğan qarjı jemqorlıq bolıp esepteledi.

"Mısalı memlekettik kompaniya medicinalıq qwrılğını satıp aluğa Marşall araldarı arqılı tölem jasap, tört ese köp qarjı jwmsaydı. Bwl jöninde Esep komiteti mälimetteriniñ birinde keltirilgen. Mwnday qarjılar Qazaqstan ekonomikası üşin joqqa tän. Ne jwmıs orındarı qwrılmaydı, ne investiciyalanıp, önim şığarılmaydı. Şığındar eldiñ jıldıq jalpı işki önimine keri äser etedi", - dedi ol.

Sonday-aq, ol 2016 jılı Bas Prokuraturanıñ "10 jıl işinde elden 100 mlrd dollar şığarılğan" dep mälimdegenin eske saldı.

"Wlttıq banktiñ mälimetinşe, şetke ketken tikeley investiciyalardıñ  jalpı kölemi şamamen 113 mlrd dollardı qwraydı, BAQ mälimetinşe onıñ 58 mlrd dolları ofşorğa ketken. Bwlardıñ barlığı resmi audarımdar. Al köleñkede qalğan qarjı turalı tek boljap biluge boladı", - dedi ol.

 “The Qazaq Times”