Foto: storeled.kz

Almatı qalası äkimdigi memleket mwqtajdığına baylanıstı keybir jeke menşik jer uçaskeleri men jıljımaytın mülikterdi mäjbürli türde jeke ielikten şığaru jwmıstarın bastamaq. Äkimdiktiñ atalğan qaulısı "Veçernıy Almatı" gazetinde jariyalandı.

Jariyalanğan mälimetter boyınşa, qaulı Almatı qalası Medeu audanı Rısqwlov dañğılı men Qwlja trassasınıñ qiılısında ornalasqan jıljımaytın mülik pen jer uçaskelerine qatıstı bolıp otır.

Ondağı jer telimderi transporttarğa arnalğan jol torabın salu üşin äkimdikke ötpek. Jerlerdi ielikten şığaru küni 2017 jıldıñ 31 jeltoqsanına belgilengen. Äkimdiktiñ mälimetinşe, jer ielerine zañnamada belgilengen tärtip boyınşa ötemaqı tölenedi.

Sonımen qaulınıñ qosımşasında  jariyalanğan tizim boyınşa «Magnum Cash&Carry» JŞS, «Caspian Food»JŞS, «Aqbastau logistik» JŞS jerleri mäjbürli türde jeke ielikten şığarıladı.

Ayta keteyik, Magnum Cash&Carry bölşek sauda jelisiniñ negizin qalauşı Aleksandr Garber. Ol Forbes Kazakhstan-nıñ "Qazaqstandağı eñ bay 50 biznesmen" reytinginde 125 mln dollar qarjısımen 41 orında twr.  Aleksandr Garber  sonday-aq, «Prima Distrib'yuşn», «Prima morojenoe», «Prima Autlet Grupp», «Prima Brend», TG Trade, Tea House sındı kompaniyalardıñ iesi.

“The Qazaq Times”