Almatı oblısındağı Köksu qant zauıtına avtokeruenmen alğaşqı qant qızılşası äkelindi. Qapşağay qalasınıñ şaruaları birinşi bolıp  50 tonnadan astam qant qızılşasın jetkizdi, dep habarlaydı Almatı oblısı äkiminiñ baspasöz qızmeti.

Almatı oblıstıq auıl şaruaşılığı basqarmasınıñ basşısı Seksembay Bekişovtıñ sözinşe,  soñğı üş jılda qant qızılşasınıñ alqabı edäuir wlğaytılğan. Ötken jılı Almatı oblısınıñ qızılşaşıları 6,4 mıñ gektarğa tätti tübir ösirse, biılğı jılı bwl daqıl alqabınıñ kölemi 9 mıñ gektarğa jetip otır.

Qapşağaydan jetken avtokeruenge keletin bolsaq, ol «Esen-Aman» şarua qojalığınan äkelingen. Qojalıq biılğı jılı qızılşa ösirumen alğaş ret aynalısıp, 20 gektar jerge daqıl sepken.

Atalmış qojalıq iskerlik qatınas ornatqan «Agro Qant» servistik-dayındau ortalığı» JŞS kölik tasımalı jağınan järdemdesken. Onıñ basşısı Güljämilä Bekievanıñ aytuınşa, qapşağaylıq qızılşaşılar biıl mol önim jinaudı mejelep otır.

Oblıs äkimdiginiñ mälimetinşe, biıl Qapşağay qalasında 570 gektarğa qant qızılşası sebilgen. Gektarına 350-400 centnerden önim jinau josparlanğanımen, bügingi küni şauraşılıqtar gektarına 600 centnerge deyin önim alıp otır eken.

Ayta keteyik, Qazaqstan qantı ülesi az bolsa da Özbekstan, Qırğızstan, Auğanstan, Resey elderine eksporttaladı. Alayda osı ayda Reseydiñ auıl şaruaşılıq ministrligi otandıq qant öndirisine qoldau bildiru üşin Qazaqstan men Belarus' qantınıñ importın şekteudi wsınğan edi.

“The Qazaq Times”