Almatı oblısında biıl qant qızılşasınıñ alqabı 9 mıñ gektarğa jetti. Odan 35 mıñ tonna, yağni rekordtıq önim alınadı dep josparlanıp otır. Bwl turalı oblıs äkimi Amandıq Batalov Ortalıq kommunikaciyalar qızmetinde ötken brifing kezinde ayttı, dep habarlaydı oblıs äkimdiginiñ baspasöz qızmeti.  

Mısalı Köksu qant zauıtı üş jıl qatarınan jañğırtudan ötken, 10 jıl toqtap twrğan Aqsu qant zauıtı biılğı jılı qalpına keltirilip, 40 mıñ tonna qant qızılşasın qabıldadı. «Jetisu» ÄÄK-ni tarta otırıp, 18 servistik dayındau ortalıqtarı qwrıldı. Osınıñ barlığı qant öndirisine oñ ıqpal etetin boladı.

Äkimdiktiñ mälimetinşe, zamanaui auıl şaruaşılığı tehnikaları men elitalıq twqım paydalanudıñ nätijesinde jekelegen şarua qojalıqtarında är gektardan jinalğan önim  500-700 centnerge deyin jetude. Söytip, biılğı jıldıñ önimi 350 mıñ tonnanı qwraydı dep boljanıp otır.

"35 mıñ tonna qant alsaq, öñirdiñ qantqa degen swranısın tolıq jaba alamız. Bizdiñ maqsatımız – oblıstıñ ğana emes, elimizdiñ qantqa degen qajettiligin tolıq qamtamasız etu", - dedi A. Batalov.

“The Qazaq Times”