Bwrınğı prem'er-ministr Serik Ahmetov bostandıqqa şıqtı

Bügin qırküyektiñ 21-i küni atışulı bwrınğı prem'er-ministr Serik Ahmetov bostandıqqa şıqtı.

Serik Ahmetov Qarağandı oblısına qarastı Qarabas auılındağı AK 159/18 türmesinen bügin tañerteñ bostandıqqa şıqqan. Ol koloniya aldında kütip twrğan jurnalisterge: «Men äzirge eşqanday jospar qwrğan joqpın. Bolaşaqta nemen aynalısatınımdı uaqıt körsetedi. Al qazir men üyime baramın» - degen.

Esteriñizge salayıq, sot Serik Ahmetovtı asa iri kölemde para alu, asa iri kölemde byudjet qarjısın jımqıru, qızmetin asıra paydalanu jäne zañsız käsipkerlikpen aynalısu ayıptarı boyınşa kinäli dep tanıp, on jılğa bas bostandığınan ayırğan bolatın. Biraq keyinen Ahmetov el byudjetine 2,2 milliard teñge qarjını qaytarıp bergennen keyin, sot onıñ jazasın on jıldan segiz jılğa qısqartqan. Al osı jıldıñ qañtar ayında Serik Ahmetovtıñ amnistiyağa ilingendigi jayında aqparat tarağan edi.

“The Qazaq Times”