Halel Maqswtov aldıñğı qatarda oñ jaqtan sanağanda birinşi kele jatır. Foto: kt.kz/

Qarağandı oblısı äkimdi jer qatınastarı basqarmasınıñ basşısı Kalel Maqswtov karantin kezinde toy jasağanı üşin qızmetinen ketken. Bwl jaylı oblıs äkimdiginiñ resmi saytında habarlandı.

"Büginnen bastap jer qatınastarı basqarmasınıñ basşısı Qalel Maqswtov karantindi öreskel bwzğanı üşin, yağni pandemiya kezinde toy wyımdastırğanı üşin qızmetinen bosatıldı. Tağı da eskertemin: mwnday zañsızdıqtar üşin jaza öte qatal boladı. Mwnda memlekettik qızmetşiniñ qızmettik etikasınıñ barlıq normaları bwzılğan. Oblısta koronavirus infekciyasına qarsı is-qimıl boyınşa jürgizilip jatqan ülken jwmıstı qwnsızdandırmañızdar" dedi oblıs äkimi Jeñis Qasımbek apparat otırısında.

Aqparatqa qarağanda, 7 tamızda 109 qızmetine qaladağı meyramhanalardıñ birinde toy ötip jatqanı jaylı habarlama tüsken. Oqiğa ornına policiya, sanepidstanciya jäne äkimdik ökilderinen qwralğan mobil'di top barğan. Meyramhanada toy ötip jatqanı rastalıp, şara toqtatılğan. Äkimdiktiñ habarlauınşa, ğimarat işinde şamamen 400 adam bolğan. SES ökilderi hattama toltırğan. Ğimarat iesi men şara wyımastıruşılarğa ayıppwl salınadı.

Policiya deregine süyengen Vlast saytınıñ jazuınşa, sol küni meyramhanada eki şara ötken: kişi zalda 40 adam qatısqan "Sündet toy", ülken zalda 350 adam qatısqan toy bolğan. Toydı Qalel Maqswtov wyımdastırğan.

57 jastağı Maqswtov jer qatnastarı basqarmasınıñ basşısı bolıp 2019 jıldıñ 30 jeltoqsanında tağayındalğan. Ol oğan deyin Qarqaralı audanınıñ äkimi bolıp jwmıs istegen.

Qarağandı oblısı qazir "qanıq qızıl aymaqta" twr. (Bilik virus örşigen aymaqtardı koronavirus kartasında "qanıq qızıl" bouyamen belgiley bastağan). Mwnda kün sayın şamamen mıñ nauqas tirkelip jür. Aymaqta karantin küşeygen.

"The Qazaq Times"