Foto: Yvision.kz

"Rossiyskaya gazeta" basılımında tabak önimderine qarsı Euraziyalıq koaliciyanıñ Resey Prem'er-ministri Dmitriy Medvedevke qarata jazğan hatı jariyalandı. Koliciyanıñ mälimetinşe, aldağı bes jılda Euraziyalıq ekonomikalıq odaq elderindegi (EAEO) tabak akcizderiniñ qwnı qattı tömendep ketui mümkin. Al bwl temeki epidemiyasına, auru men ölim-jitimniñ ösuine äkep soğadı. Sondıqtan hat avtorları mwnday jağday bolmas üşin salıq kölemin köteru kerek dep esepteydi.

Erteñ, yağni 15 qırküyek küni Euraziyalıq ekonomikalıq komissiya keñesi Qazaqstan, Armeniya, Qırğızstan, Belarus' jäne Reseydegi tabak önimderiniñ akciz mölşerlemesin qarastıradı. Al Euraziyalıq koaliciyanıñ mälimetinşe,  EAEO elderi arasındağı temeki akcizderin tağayındaytın salıq sayasatın engizu qağidaları turalı kelisim mätini ne memleket işinde maqwldanbağan, ne wyımğa müşe elderdiñ densaulıq saqtau ministrlikteri tarapınan qaralmağan. Bwl osımen üşinşi ret  bolıp otır eken.

"Şart jobası temeki önimderin öndiruşileriniñ müddelerine say keletini alañdatadı. Tipti kelisim Düniejüzilik densaulıq saqtau wyımınıñ temekige qarsı küres jönindegi negizdeme konvenciyasına da qayşı keledi", - delingen habarlamada.

Hat avtorlarınıñ sözinşe, 2022 jılğa qaray EAEO elderinde 1000 qorap temekiniñ akciz qwnı 35 euro boladı eken, al bwl Europalıq odaq elderinde 90 euronı qwraydı. Sondıqtan koaliciya ökilderi Resey prem'erinen "temeki akcizderiniñ mölşerlemesin europalıq standartqa say etip jasaudı" swrap otır.

“The Qazaq Times”